School ke corridor mein dheere dheere kadam badhate hue Arjun ne ek gehri saans li. Aaj ka din kuch alag lag raha tha. Kal jo library mein hua tha, uske baare mein soch-soch kar uska mann ab tak ajib sa feel kar raha tha. Aisha ke itne kareeb aana, uski saansein mehsoos karna, aur fir woh awkward moment... Arjun aaj tak aise kabhi kisi ladki ke itne paas nahi aaya tha. Yeh sab naya tha, ajeeb tha, par kahin na kahin dil ko ek ajeeb si bechaini bhi ho rahi thi. Shayad payar...
Aisha bhi kuch aisi hi halat mein thi. Woh apni diary ke pages palat rahi thi, par mann kaheen aur tha. Usne khud ko samjhane ki koshish ki, "Bas ek coincidence tha, kuch aur nahi." Lekin jab bhi woh Arjun ke bare mein sochti, uska dil ek ajeeb si garmi mehsoos karta.
Write a comment ...